Transcription
1
Monseigneur, ceulx qui sont commandés journalierement
2
pour la garde de ceste ville, treuvans puys quelques jours en
3
ça les nuictz bien longues et refroydies, se sont retirés à messieurs
4
les conseulz et à moy, afin d’estre accommodés des lieux requis
5
pour se loger et retirer mesmes durant la nuict faisant icelle
6
et avoir du boys pour se chaufer, d’aultres nous ont remonstré
7
que ceulx de la religion ne procedent de bonne foy à la consignation
8
de leurs armes d’aultant que jaçoit qu’ilz ayent presque tous
9
suivi les trouppes et porté les armes ès derniers troubles, ce
10
neantmoins ne revellent que d’espées de nulle valleur, et
11
aulcungz du tout rien ; et encores certains aultres, tant pour
12
conserver celles qu’ilz ont que cuider plus ayseement sortir hors
13
la ville, se doubtans y estre empecher suyvant l’ordonnance
14
du roy et vos mandemens, parce qu’ilz sont des plus factieux
15
et à craindre, soit pour avoir cy-devant commandé ou faict
16
menées et practiques, ou qu’ilz soyent bien propres à le faire
17
pour ce parti, se catholisent en fraud[e] et par dissimulation,
18
comme on a peu appercevoir de quelques-ungz, lesquelz ont fort
19
familiarizé durant ceste foyre de Sainct-Bonnet avec leurs freres
20
(qu’ilz appellent) desquelz s’y en est treuvé bien assés, et mesmes
21
des chiefs. Ainssins que vous entendrés bien au long de sieur de
22
Bonvert s’il vous plaict, que faict aulcunement antrer les
23
catholicques en jalousie contre d’iceulx. Et par ce vous
24
supplie très humblement, monsegneur, qu’il vous plaise me
25
faire entendre sur ce votre intantion, ensemble sur la
26
continuation ou non du reserrement des aultres factieux et
27
brigueurs qu’a esté faict sellon lesdites ordonnance et mandement
28
de sa magesté et vostres, car lesdits de la religion s’en
29
[v°] plaignent, jusques à le desguiser et faire entendre
30
que ce sont des moyens pour les contraindre à la
31
messe et soy recatholiser, et procedure qui ne se faict
32
ailleurs. Jaçoit qu’ilz ne soyent detenus et reserrés que
33
dans leurs lougis. Sur ce, je prieray le Createur vous
34
donner,
35
Monseigneur, en parfaicte santé très heureuse et
36
longue vie. De Gap, ce premier d’octobre 1572.
37
Vostre très humble et plus obeissant
38
serviteur.
39
B. Olier
40
Ledit sieur de Bonvert vous informera de la maison en
41
laquelle on dict se faire la retraicte des armes de ces quartiers
42
et le nombre des chiefz qui se sont treuvés en ladite foire
43
selon qu’y nous sont esté nommés par nom et surnom avec leur
44
contenance et equipaige.
45